Shillong, Jymmang 20: Kumba ka long haduh mynta kam shym don kano kano ka jingtih Uranium ha kane ka jylla Meghalaya bad kan nym mih ruh kum kata hynrei lada don kaba kum kata ka sorkar kan sa peit haba la mih kum kita ki jingthoh.
Haba dei na ka liang jong ka sorkar jylla, kata ka jingong ba tih Uranium kan nym don, haba poi lei ha ka bynta ban tih Uranium na ka liang jong ka sorkar jylla kala kren shai kdar namar kane ka kam ka dei kaba hap ban phikir bha.
“Na ka liang jong nga, ne na ka liang jong ka sorkar ka tip shai ba kam don kaba kum kata ka jingthih Uranium, na ka liang jong ka sorkar ruh kam khlem ai jingbit, hynrei haba la don kum kita ki jingtip ka sorkar khlem pep kam sa peit ia kata” la ong u myntri rangbah ka jylla u Conrad K Sangma.
Haba ia dei bad ka jinglap jong ki pulit ka jylla Manipur ia ka song Uranium, na ka liang jong u myntri rangbah u la ong bay ms hym don jingtip ei ei ha kaba ia dei bad kata ka jinglap song Uranium ha Manipur, lada ka long kum ka long kaei kaei kaba khia shisha bad ka sorkar kan sa peit ia kata, ong u myntri rangbah ka jylla.
