Shillong, Nailar 02: Ki riew rangbah ka thain khappud na Block-II kiba hap hapoh jong ka Raid Nongtung jong ka Ri Bhoi Distrcit myta ka sngi kila pynpaw ba na ka liang jong ki paidbah kim don daw ei ei ban phah pan map ia u MLA jong ka Mawhati u bah Dasakhiatbha Lamare.
U bah Jones Shadap u wei na ki riew rangbah ka thian, u la ong ba kim don don ei ei ban phah pan map ia u MLA ka Mawhati bad la da dei ban pan map ruh na no bad ha ei u hap ban pan map, kumba ka long mynta don kano kano ka jingleh kaba u MLA u hap ban pan map.
Kum u MLA ym shym la leh kano kano ka kam sniew khappud bad ki sngew ba um dei ban wan pan map, kum ki riew rangbah bad ki nongkit kam shnong na ka thain Block-II kim kwah ban don kata ka jingkren bein ne kren tohmet iano iano ruh.
Kum ki riew rangbah ka thain kila ong ba kum u MLA jong ka thain ym shym don kano kano ka jingleh bakla, ha kine ki 48 snem naduh ba la ioh ia ka jylla, ki juh don kita ki jinghuri hura hating hating hynrei haba la ia pynbeit da don ka jingeh.
Kum u MLA katei ka thain u juh leit ban ia kynduh ia ki briew ban ia kren bad ki paidbah bad ban kynnoh ba kam kata ka jingleit ka long kaei kaei kaba bakla ia kaba ki paidbah kin nym lah ban pdiang, ha kane ka sngi la ia don lang u syiem jong ka raid u pa,im Niwel Shadap bad ki rangbah shnong, ki secretary shnong katei ka thain Ri Bhoi District.
