Shillong, Risaw 18: U Myntri ba dei peit tnad bording u A.T Mondal mynta ka sngi u la iathuh ba ka don ka jingiateh kular ha u snem 2007 bad katkum katei ka jingiasoi soskular ka pisa kaba la sah sha ka NTPC kala kot sha ka T.488/- klur tyngka.
Na ka liang jong ka MePDCL kala shim ia ka ram Atnimar Bharat Loan da kane ka ram kaba la shim 50% la siew sha ka NTPC, ha ka juh ka por ngi don ruh ia ki jingtip bad ki jingsngewthuh ba kala shim rem dor bha ia ka jingsiew kaba la buh ban siew bnai, na ka liang jong ka sorkar kala kren ban ia map hynrei ka NPTC kam shym map.
Na ka liang ka sorkar kala ujor da ka mukotduma sha iing bishar halor kane hynrei namar bala ia soi ia ka soskular na ka liang jong ka iing bishar ka khlem ai ia ka rai ban iarap ia ka sorkar jylla, na katei ka T.244/- klur tyngka ha dien bala ia khein bad ki kuna ba hap ban siew kala kot sha ka T.665/- klur tyngka.
Na ka liang jong ka sorkar ka pyrkhat ba lada kane kan dang iai bteng ka lah ban poi sha ka hajar klur tyngka bad kane kan buh jingeh ia ka MePDCL bad ia ka sorkar jylla bad mynta kila iakren bad ka NPTC ban ia kren bad mynta kila mynjur ba ka sorkar jylla ka hap ban siew T.565/- klur tyngka.
Da kane ka NPTC kala map da T.100/- klur bad iatei ka pisa kaba sah hap ban siew arphew sien, hynrei namar ba ka MePDCL ka don ha ka jingeh mynta ki hap ban wat ram biang bad la iakren bad ka sorkar ban siew ia kane ka pisa kaba sah bad ba kannym don shuh ka kuna.
Mynshuwa naka T.488/- Klur tyngka la siew T.244/- klur tyngka bad kaba sah ka long T.244/- kur tyngka bd ki kuno kala kot sha ka T.665/- Klur tyngka, bad ha ka jingiakren la phah siew T.565/- klur ia kane yn siew pyndep ha ki arphew sien kaba mut kan ka sien ki hap ban siew T.28.25/- klur tyngka.
