Shillong, Nailar 23: U Nongialam ka liang pyrshah na ka party Congress u Dr Mukul Sangma u la ong bay n nym don ba leit ban pyniasoh sha ka BJP, ia kane la pynthikna ha kaba kren ha ki lad pthai khubor ha ka sngi thohdieng ha kamra trei kam jong u ha Assembly.
Haba jubab ia ka jinglylli haba ia dei bad ka jingkren jong ka Dr Ampareen Lyngdoh kawei na ki MLA jong ka seng Congress, u Dr Mukul u la ong ba baroh ki MLA jong ka party Congress ki ia tylli kawei bad hapoh ka party kam don ei ei, kaei kaba la kren ka dei ka jingkren jong ka.
U Dr Mukul u la ong ruh ba kum ka party shen kan sa ia shong ban ia kren halor ka ilekshon shiteng samoi na Shella bad kin sa ia rai ia u kyrtong. U tei u nongialam jong ka seng Congress u la pynthikna ba ka party kan buh kyrtong na katei ka jaka.
Na ka liang jong u Dr Mukul u la pynpaw ruh ia ka jingsngewkhai jong u halor ka jingjyllei jong ki kam dih droks ha kane ka jylla Meghalaya bad khamtam ha kane ka nongbah Shillong, u ong ban ia leh pyrshah ia kane don kam ia ka jingiatreilang jong baroh. Ia kane ka bynta kin sa ia kren hapoh kane ka dorbar synrai ka ban sa long ha u Nailur.
