Shillong, Jylliew 16: Ka office jong u District Sports Officer jong ka South West Khasi Hills District ki la ioh ban pynhappyrda noh ia ka lymmpung ialeh kai Inter School Subroto Cup Football Tournament 2024 ia ka ba la ioh ban pynlong ha ka Rowell Lyngdoh Stadium .
Hakane ka sngi la wan ban pynhap pyrda u Bah D Mawlein (DSP), u Bah D Syngkon District Sports Officers, u Bah P Wanniang general secretary MDSA, u Bah S K Budnah President Mawlangwir SC, Bah K Kahrlyngdoh President Nonglang SC, lem bad u khlur ialehaki katei ka thain u samla Chestarpaul Lyngdoh bad kiwei kiwei.
Ka Little Star Hr Sec School, ka Jakrem Presbyterian Hr Sec School bad ka Tenset SS ki la long ki laduh ha ka lympung ialeh kai jong ka South West Khasi Hills District Level Inter School Subroto Mukherjee Cup Football Tournament 22024.
Ha ba phai sha ka jingialeh kai ha ka kyrdan under -15 Boys na ka liang ka Little Star ka la pynliem noh ia ka Rangthong Christian HR Sec School lyngba ka tie breaker, kumjuh ruh ha ka liang ki kynthei ha ka under -17 ka Jakrem Presbyterian ka la jo pia ka Rangthong Christian Hr Sec School lyngba ka tie-breaker katba ha ka under- 17 boys ka Tenset ka a pynliem noh ia ka Mawjarain Presbyterian lyngba ka tie-breaker.
Kum ban shu pynkynmaw na ka liang ka DSO South West Khasi Hills District ka la ioh ban pynlong ia kane ka lympung ha ka 4 tarik u bnai Jylliew 2024 ia ka ba ka la ioh ban pyn ia lehkai ha ki ar tylli ki madan kata ha Rowell Lyngdoh Stadium bad ha Pyndeniewlyngdoh, MDSA.
Ha kane ka Inter School Subroto Cup la wan ban ia shim bynta da ki 36 tylli ki kynhun kata ha ka under-15 boys ki don 27 tylli ki kynhun, ha ka under -17 boys ki don 18 tylli ki kynhun bad ha ka under -17 girls ki don 16 tylli ki kynhun.
Lyngba ki namjop jong ka Little Star, ka Jakrem Presbyterian bad ka Tenset kinlong ki school ki ban ioh ban mih khmat ia kane ka district sha ka State Level Inter School Subroto Cup Football Tournament 2024 ia ka bay n sa ioh ban pynlong shen ha Nongbah Shillong.
