Shillong, Jylliew 17: U bah Nikistar Nongrang President ka seng ka ‘Bri Hynniewtrep Exporter and Importer Association’ la ong ba naduh ba ka SDO jong ka Pynursla Civil Sub Division kala ai jingbit kiewdor ka bai shallan maw na ka T.2200/- tyngka sha ka T.4000/- tyngka na ka bynta san tone.
Haba kren ha ki lat pathai khubor mynta ka sngi ha Shillong Press Club, u bah Nikistar h ka jingiadon lang ki dkhot ka seng la ong ba ka SDO kala pynmih ia katei ka jingai jingbit ha ka 29th Jymmang 2023 bad mar ia mih katei ka hukum diew dor kynsan ka shallan maw.
Kum ka seng ki nongkhaii kala ia kynduh ia ka SDO ha ka 10/6/2023 ban ia kren ia kane ka jingeh ba kiba bun kim ioh ia ka slip kwari ban thied maw, ha katei ka jingiakren kim pyrshah ia kata ka jingai ia ka slip kwari hynrei kaei kaba ki pyrshah ka long ba ia ka slip kwari la ai tang sha kiba ki kwah.
Kaei kaba jia ka long ba kito kiba don ia ka slip kwari ki ai tang ia kaba ki mon, kane ka paw ba don kiba ioh ban kit maw man ka sngi, katba don kiba ioh tang ar ne lai sien ha ka shibnai, ka jingkwah jong ki ka long ba dei ban ai lang solansar ia baroh kane ka slip kwari.
Ha ka jignshisha ban phah ia u maw sha Bangladesh don kam tang ia ka shllan bala ai na ka ophis jong ka DMR bad ka LC kaba la ia da u importer na Bangladesh, hynrei hapdeng kata la mih bun ki slip, kum ka COVID Slip, Parking Slip, bad mynta sa ka slip kwari kaba kim lah shuh ban sngewthuh.
