Shillong, Jymmang 16: Ka jingbym don ia ki nongtrei ha jaka sumar marad ha ki ar tylli ki jaka, ha Thynrai bad ha Thangsning kiba happoh jong ka Mawkynrew Block kala pynlong ba hap ban kit sha Shillong ban phah sumar ia ka shniang ba shitom.
Ha ka sngi Balang u wei u rangbah na ka shnong Madan Langniang u la hap ban wan kit sha Shillong ban ioh ia ka jingsumar ia ka sniang kaba shitom ha Hospital kaba don ha Sunny Hills Shillong.
Haba u SP News Agency u la ioh ban ia kren bad u trai shniang u bym kwah ban pynpaw iala ka jong ka kyrteng, la iathuh ba ka jingpoi sha duh Shillong ka long ban ym don briew ha ki ar tylli ki Dispensary mrad kiba hap hapoh jong ka Mawkynrew Block.
La iathuh ba ha ka jingshisha ki don ar tylli ki Dispensary mrad, kawei ha Thyrnai bad kawei ha Thangsning, kim lah ban tip dei ba ka sorkar ka khlem thung briew ne dei ba ki briew kiba sorkar kala thung kin poi sha jaka trei kata ka jingkylli kaba la buh.
Namar ba kim don lat shuh da kumwei wat kala ka jngai kim banse ban san sha Shillong ban phah sumar ia ka sniang kaba shitom, kane kala buh ia ki ha ka jingeh hynrei ym ban se ban ioh ia ka jingsumar.
