Shillong, Naitung 09: U president ka seng All NEHU Workers Union (ANWU) bah Pyndapborlang L Nongpiur la ong ba namar ba ka skul bah NEHU ka dang don hapdeng ka eksam, kum ka seng kala rai ban pynsangeh shuwa shipor ia ka jingiakhih jong ki.
Ha ka kyrwoh kaba la phah la ong ba na ki daw jong ka University Exam ka All NEHU Workers Union (ANWU) ka la shim ia ka rai ban pynjlanbiang, ia ka jingpynsangeh shipor jong ka Jingiakhih ba Jar Jar sa 5 sngi kata naduh ka 11/07/2022 haduh ka 15/07/2022.
Ban pynkynmaw ba kane ka jingiakhih ki nongtrei sngi hapoh NEHU kala neh bun bun sngi bad ka jigndawa jong ki ka long ba ka NEHU ka dei ban ithuh noh ia ki nongtrei sngi kiba la trei palat shiphew snem kum ki nongtrei ba pura ka skul bah.
