Shillong, Nailar 18: U bah Process T Sawkmie MLA jong ka Mawlai u la ong ba u khlem leit sha ka jingiakynduh ia u myntri rangbah ka jylla mynta ka sngi ryngkat bad ka kynhun ki rangbah shnong ka long ba u bat ia ka rai kaba kila shim ha ka jingialang ka MTD ban nym ia shim bynta ha ka “Peace Committee” katba ka sorkar kam pat ai ia ka jingdawa.
Ka rai jong ka Mawlai Town Dorbar ha ka jingialang kaba la long ha ka 17/8/2021 ka long ba ka sorkar ka dei ban weng kam shipor ia kito ki pulit kiba don kti ha ka kam siat briew bad katba ka sorkar kam pat lah ban ai ia ka jingdawa kim nym leit ia shim bynta ha ka Peace Committee ka sorkar.
“Nga kum u MLA nga hap ban bat ia ka ktien bad kum juh ia ka rai, kumba la ia kren ba la da ka sorkar kam pat ai ia ka jingdawa ka jong ki kim pat dei ban ia shim bynta, nga ieng ha kata ka nongrim dei na kata kadaw na ka liang jong nga nga khlem leit ia shim bynta bad ka jingiakren mynta ka sngi” la pynshai u bah Process.
