Shillong, Nohprah 09: U Myntri ba dei peit ia ka tnad rep u bah Banteidor Lyngdoh la ong ba la bthah ia ki ophisar ka tnad rep ban jurip ia ka jingkynnoh ba don ka jingiaptram ki dieng soh Niamtra ha ka jylla baroh kawei.
Haba kren ha u SP News Agency, u myntri u la ong ia kane ka jingujor ba don ka jingiaptram ki dieng soh niamtra ha kane ka jylla bad ha dien bala ioh ia kane ka jingujor la phah ia ki ophisar ban jurip ia kane ban lap haduh katno kala ktah.
U myntri u la ong ba kane ka jingjurip kan dang iai bteng ban lap ia ka daw jong ka jingiaptram ki diengsoh, ka jingujor ba iap ki dieng soh niamtra kala wan na kylleng bad kumba ka long mynta kim lah ban ong dei na kaei ka daw namar ka jingwatbniah ka dang iaid sha khmat.
Haba jubab ia ka jingkylli na ka liang jong u myntri ong ba ka sorkar mynta kala pynshlur ban pynioh ia ki symbai soh kiba pynmih na ka jaka ba don ka jingpynmih soh niamtra, namar la sngewthuh ba lada wanrah na shaei kan nym iarap hynrei kan wanrah ia ka jingduh ki symbai tynrai.
U myntri u la ong ba ka sorkar kala pynshlur ban ban pynmih ia ki symbai soh kiba dei na ka jylla, lada pynmih ia ki symbai kiba dei na ka jylla kan pynlong ia ki symbai ba kin ia hap bad ka jaka kaba ym thung ia ki, kane ka long kawei ka lat ban pynioh ia ki symbai tynrai kiba bha, la ong u myntri ba dei peit ia ka rep u bah Banteidor Lyngdoh.
