Shillong, Lber 26: U myntri ba dei peit tnad kam bording u James K Sangma mynta ka sngi u la ong ba ma u ruh u don ka juh ka jingsngew khia halor ka MeECL kumba long lem ki nongialam ka party UDP, ka jingbakla jong ki ka long ba kila kdew bakla.
U myntri u la ong ba ka daw bah jong ka jingduh jong ka MeECL dei ba ka sorkar kam shym la siew ia ka Terminal Benifit jong ki nongtrei ha u snem 2010 ka ba la kot sha ka T. 844 klur, namar bym siew ka sorkar ka MEECL kala happy ban siew ia kane sha ki nongtrei ka MeECL kala dep ban siew T. 712 klur.
U myntri la ong ba ka jingmih jong ka MeECL ha ka shi bnai ka long T. 75 klur katba ka jinglut ka long T. 120 klur, ka MeECL ka happy ban sei tam da T. 35 klur ban pyndap ia ka ba suna, namar ka tulop T. 40 klur ha ka shi bnai bad ka baibam tynmen T. 36 klur.
U myntri kam bording u la ong ba lada ia nujor bad ka jingpynlip light ka suna mynta ban ia ka ba mynshuwa, ka jingiapher ba mynshuwa dei ba suna ka jingpynmih bording bad mynta pat dei ba ki khang ki kompeni pynmih bording, hapdeng kine ki jingeh ka sorkar kala lah ban pynbeit.
U myntri u la ong um kwah ban kynnoh ne kynthoh, hynrei kari ka ba jia ba ka jingpynsah bai ding kala jia ha kine ki shiphew snem bad ka jingsoi bad ka NTPC ka long ka jingduh ka ba khraw ia ka MeECL.
Haba ia dei bad ki Smart Meter, u myntri u la ong ba ki paidbah kim don kam ban siew ei ei, ka dor jong u smart meter ka dei T. 3750/- la ong ba ka jingmih khubor ba ka dei jan shiphew hajar duna ka long ka ba bakla.
