Shillong, Kyllalyngkot 04: Mynta ka sngi u nongialam jong ka BJP u ba dei peit ia ka jylla Meghalaya u Dr. M Chuba Ao la ong ba mynta ka sngi kila don ka jingialang ban ia kren ha kaba ia dei bad ka MP elekshon sha Lok Sabha ha Meghalalya.
U la iathuh ba u dei peit ia ka jylla Meghalaya na ka bynta ka 1-Shillong Parliamentary Konstitwensi bad 2-Tura Parliamentary Konstitwensi bad 9 tylli ki Parliamentary Konstitwensi ha Assam. Kane ka jingialang kaba mynta ka sngi ka dei tang na ka bynta ka jylla Meghalaya.
Kum ka party kala ialeh ban pynkhlain shuwa ia ka party ha baroh ki konstitwensi, kane ka jingiakynduh ki para nongialam jong ka party kala long ka jingpynkhreh ia ka MP elekshon sha Lok Sabha bad ka party ka kwah ban jop haduh 400 tylli ki konstitwensi.
La ong ba ka party kan nym ia treilan bad kano kano ka party kan iaid marwei bad kiba don ha ka National Democratic Alliance (NDA) kin dang don tang ba kan nym don ka jingiabate ia ki konstitwensi.
Haba phai sha ka jylla Meghalaya jubab ia ki jingkylli haba ia dei bad u bah Alexander Laloo Hek, la ka party kan ai tiket ne em, u tei u nongialam u la ong ba u dang shu iohi ha ki kot khubor ba u kwah tiket, haduh mynta ym pat iakren.
La iathuh ba kila don bun ki briew kiba la pynpaw da ki kwah ban ia khun ia ka MP elekshon na Meghalaya hynrei haduh mynta ki dang long tang ka jingiakren da ka ktien, kaei kaba u kwah ban long ba dei ban iohi da ka jingthoh.
