Shillong, Jylliew 10: U MP jong ka Lok Sabha na 2-Tura Parliamentary (ST) Konstitwensi u ba dang shu jop u Saleng A Sangma la ong ba ia u Dr. Mukul Sangma bad ia u Zenith Sngma lada ki kwah ban phai sha ka seng Congress ruh yn nym pdiang da lei lei ruh.
La ong ba ka Congress kala iaid beit bad um kwah ban iohi ba kam don ka jingthut, kumta ia ki briew kiba lah ban pynthud ia ka party kin nym pdiang, ia kiwei ki nongialam jong ka seng Congress lada ki kwah ban wan phai biang sha ka party u long ba la kloi ban pdiang sngewbha ia baroh.
Haba phai sha ka jinglong President jong ka MPCC, u Saleng la ong ba u bah Vincent H Pala u dei u briew ba biang palat, ha ka jingshem ka jong kum u nongialam ka party, ka jingrem jong u ka dei ba ia trei lang bad ka NPP ha KHADC.
Haba jubab haba ia dei bad ka party congress, u la ong ba ka Congress kala don kan don bad kan dang iai don, ka jingjop ka dei jong ki paidbah, kam dei ka jongno jongno ruh ka burom ka dei ka jong u paidbah la ban biang.
Haba ia dei bad ka jingkynthoh jong u Himanta Biswa Sarma myntri rangbah ka jylla Assam ba don ka kynhun niam kaba trei pyrshah ia ka NDA, u MP ka tura u la pynphai da kaba ong ba dei u myntri rangba ka jylla Assam u ba la kren nyngkong pyrshah ia ki niam.
