Shillong, Kyllalyngkot 10: U Bah Nathaniel Rymmai u ba pyniaid ia ka Marvellene Inn, u la ong ba na ka liang jong ki kum ki trai ki ai ia ka jingiatreilang bad ki pulit ha kaba ia dei bad kane ka jingtohkit halor kane ka jingjia kaba sngew jah burom.
Haba kren ha ki nongthoh khubor mynta ka sngi ha Shilong Press Club ha ka jingiadon lang umanager u Bah Edmund Paul Kharir, la ong ba kaei kaba la jia ha katei ka iing bas aka dei ka jingleh lyndet jong u wei na ki nongtrei, khlem ka jingtip jong ki trai lada ki trai ki tip kin nym ailad ia kum kane ka jingjia ba kan wan jia.
La ong ruh ba kane ka juh ka khynnah kam shym la jer kyrteng tang ia kane ka iing basa jong ki, hynrei kila mih ruh sa shibun kiwei ki kyrteng jong ki iing basa. Na ka liang jong ki ki ai ka jingiatreilang bad ki pulit ban kin tohkit da kaba khuid ha kaba ia dei bad kane ka jingjia ban lap ia ka jingshisha.
Hynrei u Bah Rymmai u la ong, “haba u trai u awai ka iing, ha kaba jai ei ei ha kata ka iing kam dei ba leh u trai leh ki nongshong wai, ha ka juh ka rukom ia kane ka kam la leh da u wei na ki nongtrei, ym ba leh ki trai”. Kaei kaba ki kwah ka long ba kane ka khynnah ka dei ban ioh ia ka jingbishar kaba hok.
La ong ha ka sngi ba ki wan ki pulit, kane ka kamra 302 yms hym don ba book ia ka, u Bah Edmund Paul Kharir Manager jong kane ka iing basa u la ong bay m shym la iohi ruh ba kane ka khynnah kan wan sha kane ka iing basa, leh se u tei u nongtrei u ba la shah kem u ialam ia ka ha ka por ba kim iohi.
Kum u trai jong ka iing basa , u Bah Rymmai u la ong ba kim don bynta ei ei ruh em ha kane ka kam bad ka jingiatreilang jong ki bad ki pulit ruh ka long ban wad ia ki jingshisha, namar ia kane kam kaba la pynjah burom la leh da u nongtrei.
