Shillong, Naitung 25: Ka jingniew iaki hati kiba don sha khlaw ha kane ka jylla Meghalaya hap ban ia treilang bad ka sorkar Assam namar ia ki juh kihati ym lah ban niew ar sien la ong u Bah YS Shullai ba dei peit ia ki mrad khaw jong ka tand Forest Department.
Katkum ka jingkhien kaba don bad ka sorkar ka jylla Meghalaya ka don 1811 tylli ki Hati ha ki khlaw jong ka jylla Meghalaya bad kane ka dei katkum ka jingkhein kaba la don ha u snem 2008 bad ha u snem 2012 na ka daw jong ka jingdon noh ka election ha ka jylla ym shym la lah ban leh bad mynta kala dei ka por ban niew biang hynrei hap ban ialeh lang bad ka sorkar Assam.
Ka jingiatreilang bad ka sorkar Assam ka long ba kine ki Hati ki iaid na kawei ka jaka sha kawei ka jaka bad ban lap ia ka jingkhein na baroh ar liang ki hap ban ia treilang khnang ba ia ki hati ba la dep ban niew ha Assam ymd ei shuh ban niew ha ka jylla Meghalaya bad ia kiba la niew ha ka jylla Meghalaya ym dei shuh ban niew ha ka jylla Assam.
Ia kane ka jingniew ia ki hati la juh ap ha ki jaka ne ki lynti ba ki hati ki juh mlien ban iaid kim juh iaid na sha wei kumba ka long ka jylla Meghalaya ka don ia ki lynti iaid jong ki Hati khamtam eh ha Ri Bhoi, Sha Garo Hills, ban leh ia kane don kam ia ka jingiatreilang na baroh ar liang.
U Bah Shullai u kyrmen ba kajingdon jong ki hati kan dang kiew ha kane ka jylla namar na ka liang jong ka tand khlaw ba dei peit ia ki mrad ki la pyrkhing ban khnanglad ia kane ka jingpyniap ia ki hati, la ong ba kum kane ka juh jia sha ki bynta jong ka Garo Hills hynrei mynta kam shym don shuh.
