Shillong, Nailur 03: U Dr Mukul Sangma u la ong ba na ka liang jong ka party Congress kala dep ban ai da ka jingthoh hapoh Assembly katkum ka article 179 kaba kren kumno ban weng ia u Lamphang ka iing dorbar thawain ka jylla.
U Dr Mukul u la ong ba kin sa ia kren hapoh ka iing dorbar tahwain ka jylla bad ka shong ha ka iing dorbar ban shim ia ka rai, na ka liang jong ka liang pyrshah kala dep ban ai ia ka jingthoh namar katkum katei ka article ka long ba hap ai jingtip shuwa ka 14 sngi ban ia kren ban weng ia u Lamphang ka iing dorbar.
Dr Mukul u la ong ba ki MLA jong ka party Congress kila dep ban phah ia ki jingkylli kaba yn sa iakren ha kane ka dorbar synrai kaban sa sdang ha ka 10 tarik jong kane ka taiew ban wan.
Ka Congress kala kren ia ki jingeh jong ki paidbah wat sha bar ka iing dorbar haba wan ka jingiashong dorbar kum ka party kan ia kren ruh hapoh ka iing dorbar ia ki jingeh kiba ktah ia ki paidbah, la ong u Dr Mukul.
