Shillong, Iaiong 22: Mynta ka sngi ka samla Banrilang Pynrope hapoh ka jingialam ka jong ka kila leit ban ia kynduh ia u secretary ka tnad kam poh iing u bah Cyril V Darlong Diengdoh ban ia kren ha lor ka jingdawa ban pynjlan ia ka rta thung kam hapoh ka tnad pulit kaba kila dep khot ia ka jingkhongkhot thung kam.
Haba kren ha ki lat pathai khubor ha jan additional secretariat ha dien ka jingiakynduh ia u Secretary ka tnad kam poh iing ka samla Banrilang Pyngrope kala ong ba kila ia kynduh hynrei kimhun namar kam shai ka jubab halor kane ka jingdawa jong ki ban pynjlan ia kane ka jingthung kam hapoh tnad pulit.
Kala ong ba ka jingdawa jong ki kadei kaba shnong nia namar ba ar snem na ka daw jong ka khlam COVID kam shym don ka jignkhot thung kam ha ki tnad sorkar bapher bapher, ha kiwei ki tnad sorkar la pynjlan ia ka rta thung kam, kumta ruh ki dawa ba dei ban pynjlan hapoh ka tnad pulit.
Kane ka jingdawa ka long shai bha ba kan dei ka jingailad kaba tang shisien, khang ba kito ki samla kiba khlem pat ioh apply kam ha ka por COVID ruh kin ioh lang mynta, la ong ba kin sa dang ia kynduh biang halor kane namar kim hun ia ka jubab jong ka sorkar.
Ia kaei kaba kin dang leh nangne sha khmat kin sa dang ia kren la kin leit ban tied ne em ia ka jingkhang jong ka iing bishar ban dawa ia ka hok jong ki bad ia kane ka bynta kin sa dang ia kren para samla kiba dang wat kam.
