Shillong, Nailur 21: U Symbut Myntri Rangbah ka jylla u bah Prestone Tynsong ba dei peit ka tnad shna surok hab jubab ia ka jingkylli u Dr. Mizanur Rahaman Kazi la ong ba ka sorkar kala phah shna na 0-32 km na ka skhim World Bank bad na 33-41 km na ka skhim NESIDS bad na 100.2-124 km na ka skhim sorkar bd ka surok na 103 -124 km k surok ka bha.
Haba jubab ia ki jingkylli bynrap u symbut myntri rangbah u la ong ba ka sorkar kala shim khia bha na ka bynta kane ka surok bad ka long kaba don kam namar ka pyniasoh ia ka bynta sepngi jong ka jylla bad ka jylla Assam, ka sorkar kala kwah ban pynkylla ia kane ka AMPT sha ka National Highway bad ka sorkar kan sa shim khia ia kane.
Ka sorkar kam dei ba kam shim khia, hynrei kala shim khia bha ba ka sa shim khia namar ka long kaba don kam ban pyniasoh ia ka Assam bad ka jylla Meghalaya, la iathuh ruh hapoh ka iing dorbar ba ia ka jingkieng ha ka wah Brahmaputra na Dhubri ha Assam bad ban pyniasoh sha Meghalaya ha Phulbari.
Haba jubab ia ka jingkylli bynrap u Dr. Mukul u Symbud Myntri Rangbah ka jylla u la ong ba ka jingpynkynriah ia ka jaka ban shna ia ka jingkieng ka long ban pynmyntoi ia ka jylla Meghalaya, ha kaba ka sorkr kala dep ban pynbing ia ka jingshim jaka ban shna ia ka surok.
Ka sorkar kala dep ban pynbiang ia ki jingdon kam ban shim jaka ban shna ia ka surok, kane ka surok kan iaid na Phulbari, Rajabala, Bellachanda, Selsella, Garogre, kaba la dep ban pynbiang, hynrei ka jingthmu ka dei haduh Nongstoin.
