Shillong, Nalur 04: U Bah Allan Kharbani General secretary jong ka AMMPWA u la ong ba kila pynkut mynta ka sngi ia ka jingshah thgan kaba lai sngi kaba kila pynlong ha khmat jong ka ophis jong ka Malaria kaba don ha Lawmali.
Kum ka seng kan ap ia ka jubab na ka sorkar ha kine ki sngi bad lada kim ioh ei ei ka jingpyntip na ka sorkar kin beteng biang ia kane ka jingiakhih ka jong ha ka 23 tarik mynta u bnai ban pynbor ia ka sorkar ba ka dei ban shimti noh ia ki sha ka sorkar jylla kumba leh ka sorkar Assam.
La ong ba ki Doktor ki don hapoh jong kane ka Malaria bad kumba ka long ka sorkar kam salia ban iada ia ki paidbah na kane ka jingpang kaba jylla bha ha kane ka jylla Meghalaya, khamtam eh ha ki bynta bad ia jan bad ka jylla Assam bad kum juh khapud bad ka Bangladesh.
Kumba ka long mynta ki nongtrei ha kane ka kam kila duna namar ki don kiba la ioh kam shawei bad ki don kiba la resign ruh kane ka jingbym treh ka sorkar jylla ban thung biang ia ki ha kane ka kam ka kren shai ba ka sorkar kam kit khia ia ka koit ka khiah jong ki paidbah.
Na ka liang jong u myntri ka koit ka khiah u la kren ha kine ki sngi bad ka kam kaba ki trei ka dei ka project jong ka sorkar pdeng bad la thung ia ki kum ka kam kontrk bad haba ka kontrak kala kut kim lah ban kam, hynrei wat la katta u la thoh sha u Additional Chief Secretary ban thoh sha ka sorkar pdeng ha kaba ia dei bad kane ka kam.
