Shillong, Jylliew 7: Hadien ba ka Seng ka la ioh ban noh synñiang sha ka Dr.H.Gordon Robert Hospital, Ka Nazareth Hospital ia ki Oxygen Cylinders, ki PPE bad ka song pisa, mynta ka kynti pat ka 7 tarik u jylliew 2021 Ka Khasi Students unions’ ba la lam khmat hi da u Nongialam ba Rangbah jong ka U Samla Lambokstarwell Marngar ka ioh ban noh jingiarap biang da San tylli ki tyndong lyer oxygen ,ki PPE bad ka song pisa sha ka Bethany hospital,Shillong.
Kane ka jingbteng ka KSU ban synńiang jingiarap sha ki Hospital ka long kum shi bynta ban iarap da ka bor met bad mynsiem ban tynrong lem ia ka jingkit jong ki hospital namar ka jingshah ktah jur ha kane ka Khlam Covid-19.
Ha kane ka sngi la pdiang sngewbha ia kine ki jingai sngewbha da ki Bor Pyniaid ka Bethany Hospital ryngkat lang ki Doctors kane ka Hospital.
Ka Khasi Students Unions’ nangne sha khmat kan iai pyrshang ha la i bor ba rit jongka ban don ha syndah bad ki nongtrei ka koit ka khiah kiba long shisha kita Shipai kiba ia khun ia une u Khñiang jingpang.
