Shillong, Lber 13: Ki shipai iada khappud, ki BSF kila pynlong ia ka Civic Action Programme ha ka shnong Muktapur jong ka West Jiantia Hills District ia kaba la plied a u Sh. D S Bisht, Comdt,108 Bn BSF, Meghalaya Frontier.
Ha kane ka sngi palat ia ka 500 ngut ki briew kila ia poi bad kila ioh ia ka jingrap na ki shipai BSF. Ka jingpynlong ia kane ka jingai jingiarap ka dei ka skhim kaba la ai lyngba jong ka sorkar pdeng ban iarap ia ki briew kiba don ha khappud bad ka Bangladesh.
Ha kane ka jingai jingiarap ia ki paidbah kit air kiba la ai ki kynthup ia ki khynnah skul jong ka Muktapur Govt Bangali UP School, LP School Muktapur , LP School Hawaibasti, bad LP School Rhongkong bad ki shnong kiba la ioh ia ka jingiarap ki long ka Muktapur, Hawaibasti bad Rhongkong. Ki tiar kiba la ai ki long ki Syntax tank,Sports items, ki tiar skul, ki miej ki shukibad bun kiwei kiwei. Ha kane ka sngi la pynlong ruh ia ka jingai dawai ei ia ki briew.
Ki shipai BSF ym tang ba ki pahara ia u pud u sam jong ka Ri hynrei ki da noh syniang ruh da ki jingiarap ia ki paidbah ban kyntiew ia ki ha ki liang baroh.(SP News)
