Shillong, Nailur 08: Ka seng All Meghalaya Malaria Promgramme Workers Association (AMMPWA) mynta ka sngi kila leit ban ia kynduh ia ka myntri ka koit ka khiah ka sorkar jylla ka kong Roshan Warjri ban pynsngew ha ka ia ki jingdawa jong ki ban thung biang ia ki ha ka kam.
U Bah Basil Lyngdoh nongai ktien kane ka seng u la ong ba, ha kane ka jingiakynduh na ka long jong ka myntri kala ong ha ki dkhot jong ka seng” namar ba ka dang shu shimti ia kane ka kam, kan dang hap ban peit bniah shuwa ia ki kot ki sla”.
La ong ba wat la da ka sorkar kam shym la khot ia ki ban ia kren kumba kila buh por, hynrei ka dei ka kamram jong ki ban ia kynduh ia ka myntri sorkar bad na ka liang jong ka seng kan iai ap mynta sa shi bnai ban ioh ia ka juban na ka sorkar halor kane ka jingdawa ban thung biang ia ki ha ka kam.
La ong ba ka long kaei kaei kaba sngewsih ban iohi ha ka por ba u bah AL Hek dang bat ia ka kam myntri ka koit ka khiah hapdeng ka jingiakhih ka jong ki ka sorkar ka khot application na ka bynta kane ka kam kaba kila shah weng, bad ka kyrdan pule ka long pass kalss ba hynriew.
Haba ka sorkar pdeng ka pynkut noh ia kane ka programe ha u snem 2014, kala bthah ia ka sorkar jylla ba ka dei ban shim noh ia ki kum ki nongtrei bapura jong ka sorkar jylla. Hynrei haba kila ia kren bad u bah Hek ha katei ka por ar snem kala shu iaid tang ha ka jingiakynduh khlem leh ei ei, la ong u Bah Basil Lyngdoh.
