Shillong, Nailar 16: U khliehduh jong ki shipai suin jong ka Ri India u Air Staff Air Chief Marshal BS Dhanoa mynta ka sngi u la plie ia ka jingialang ba ar sngi jong ki Commander ki shipai suin jong ka Eastern Air Command.
Ha ka jingkren plie jong u khliehduh ki shipai suin jong ka Ri India ia kane ka jingialang kaba ar sngi u la ban jur ia kawei ka phang ba kin long kiba la kreh ban shim ha kano kano ka bynta ban iada ia ka suin jong ka Ri.
Ha kane ka jingiakynduh jong ki heh shipai suin jong ka thain shatei lam mih ngi jong ka Ri India u la batai ia ka jinglong jingman bad u la ong ba kin long kiba peitngor ba lada don kano kano ka jingpyrshang ban ktah ia ka Ri kin long kiba la kreh ban iada.
Ha ka juh ka por u la ong, ha kane ka jingpynkhreh ban iada ia ka Ri kim dei ban long ki sohpdung ha ka jingshah ialam bakla ha ki khubor lamler lyngba ki social media. U la ong ba ka kynhun shipai suin jong ka Ri ka dang iaid sha khmat mynta ha ka jingpynthymmai ia ka rukom trei kam khamtam ha ki tiar ialeh.
Ha kane ka sngi na ka liang jong u EAC ba don ha Shillong u Air Marshal RD Mathur u la pdiang sngewbha ia u heh shipai suin bad u la pynithuh sha ki heh shipai suin jong ka thain shatei lam mih ngi jong ka Ri India.
