Shillong, Nohprah 28: Kat sha ba phai haduh mynta ka sngi ki paidbah nongbah Shillong ki la pynsngew ba bun na ki ATM ha kane ka nongbah ki don beit tang ia ki lut arhajar suda bad ka lut san spah kim ioh wat la ki la pyrshang na ki bun bun tylli ki ATM.
Kane ka jingduna palat ka lut san spah kala buh ia bun ki briew ha ka jingeh ha kaba leit ban siew ban tda ha ki iew ki hat namar ba bun na ki dukan ha kane ka nongbah shnong kim pat don ia ka PoS mashin ban pdiang ia ki nongthied jingthied da kaba pyndon kam ia ki ATM Card.
La ioh jingtip ruh ba kane ka juh ka jingeh ka long ruh sha ki lum Garo khamtam hapoh ka sor Tura ha kaba ki dukan ki dang hap ban ia biah ha kaba ia dei bad ka ia die ia thied, ha katei ka jaka ruh ka long ba la jan baroh ki dukan ki kim pat sngewthuh ia kata ka PoS machine ba ki dukan ki hap ban buh.
