New Delhi, Jymmang 18: Ha ka elekshonLokSabha 2024 ka cVIGIL app jong ka Election Commission of India ka la long shisha ka atiar ha ka kti jong ki briew ban ai jingtip shaphang ki jingpynkheinia ki kyndon kiba iadei bad ka kam elekshon.
Naduh ba la pynbna ia ka General Election 2024, la ioh pdiang palat 4.24 lak tylli ki jingujor lyngba kane ka App haduh ka 15 tarik u Jymmang, 2024. Na kine baroh, 4,23,908 tylli ki jingujor ki dei kiba la dep pynbeit bad dang peit ia ki 409 tylli ki case kiba dang sah. Jan, 89% na ki jingujorki dei kiba la dep pynbeit hapoh 100 minit, kaba long ka jingbit ia ka jingkular jong ka ECI.
Ki briew jong ka ri ki la pyndonkam ia kane ka APP ban tehlakam ia ki kam bym man ha ka por elekshon ha kaba iadei bad ka jingpyndonkam ia ki tynghung palat ia ka por bad ka jingsawa ba la buh, ka jingkhring ia ki nongjied nongmihkhmat ha ka por ba la khang ban leh ia kane.
Ka jingbuh ia ki jingpynbna khlem ka jingioh jingbit, ka jingpyndonkam kham bun ia ki kali ban ia kaba la ai jingbit, ka jingpynjulor ia ki jingdon jingem, ka jingpyni ia ki tiar siat bad ki jingpyntieng bad ruh ban tehlakam ia ka jingai jingmyntoi ia ki nongjiednongmihkhmat. Ia kine ki jingujor, katkum ki thup, la ai harum:
Ka cVigilka dei kaba suk ban pyndonkam kaba pyniasoh ia ki nongshong shnong bad ka District Control Room, Returning Officer bad ki kynhun Flying Squad.
Da kaba pyndonkam ia kane ka app, ki briew ki lah ban pyntip mardor shaphang ki kam bym man ha ki por elekshon hapoh ki minit khlem da hap mareh sha ka ophis jong u returning officer.
Mar syn phah ia ka jingujor ha ka cVigil app, u nongujor un ioh ia ka ID ba kyrpang bad lyngba kane, u lah ban buddien ia ka jingujor lyngba ka mobile.
Ki don lai tylli ki daw kiba iatreilang kiba la pynlong ia ka cVIGIL kaba jop. Ki briew ki ring ia ki jingkren, ki dur lane ki video bad la pynthikna ia ka jingpeit ia ka jingujor hapoh 100 minit.
Kane ka app ka plie lad ia ka geo-tagging mar synpynmeh ia ka camera ha ka cVIGIL ban ai jingujor. Kane ka mut ba ka flying squad ki tip mardor ia ka jaka ba don jingjiabad lah ban pyndonkam ia ki dur ba shon da ki briew kum ki sakhi ha ka iingbishar.
Ki briew ki lah ruh ban ai jingujor khlem da ai kyrteng lajong. Ban tehlakamia ka jingpyndonkambakla, ka cVIGIL ka don katto katne ki jingiada kum ki jingkhana ha ki jaka, ka por ba la buh ban ai jingujor, bad ki lad ban ithuh ia ka jingpoibunsien ka juh ka jingujor bad ruh ki jingujorthok.
Kane ka app ka dei kawei na ki app ba bun ba la shna da ka Commission ban pyndonkam ia ka teknoloji ban plie lad ia ki nongjiednongmihkhmat bad ki seng sain pyrthei.
