Shillong, Nohprah 02: Ha ka por shibaje shiteng ei ei mynta ka step sngi saitjian ka kudam jong ka Shree Mahabir Flour Mills kaba don ha Luckier Road Shillong kala kdem ding bad ha kane ka jingjia pluh ding ka jingduh kala long palat klur tyngka.
Ki pulit pylip ding kila poi ha kane ka jaka ha ka por kaba biang ban tem ia ka dieng hynrei na ka daw jong ka jingklang palat ka ding kala shim por bun kynta haduh ban da lah ban tem ia kane ka jingklang ka ding.
Ka jingjulor kaba khraw eh ka dei ka jingingkhong u kew bala buh ha katei ka jaka na ka bynta ban tylliat ban pynmih At, Moida, Suji, kane ka jingduh ka long kaba la jur bha bad ha kane ka jingjia kaba sngewsih kam shym don kano kano ka jingjia kaba sngewsih.
Na ka liang jong ki pulit ding haduh mynta ki dang hap ban tem ia ka ding kaba dang meh haduh mynta ka sngi mynstep na ka liang jong ki briew ruh ki dang iarap ban theh um ban pynlit ia ka dieng.
Na ka liang jong ki pulit ki dang pynlong ia ka jingtohkit ban lap ia ka daw jong ka jingpluh kane ka kudam kaba la pynjulor shibun ia katei ka jaka bad la sngewthuh ba kan ktah ruh ia ka karkhna kaba don ha syndah.
