Shillong, Naiwieng 23: Ka Seng Khasi Kmie Mawkhar mynta ka sngi kala pynlong ia ka jingrakhe ia ka jingdap 124 snem ka Seng Khasi ia kaba la seng da ki 16 ngut ki riew rangbah ha u snem 1899 ban iada iala ka niam tynrai, ia kaba la tip kum ka Seng Kut Snem.
Mynta u snem palat phew hajar ki paidbah na kylleng ka Ri Khasi Jaintia kiba dang bat ia la ka jong ka tynrai kila wan ban ia shim bynta ha kane ka jingrakhe ia kane ka sngi sah kynmaw ba dei ha kum kane ka sngi bala seng ia ka Seng Khasi bad ia kane la bat bad pynneh pynsah da ka Seng Khasi Kmie Mawkhar.
Ha kane ka sngi la pyninam ruh iala ki riti dustur jong ki shnong bad ki dong bapher bapher jong ki khun khasi khara katkumka thymmai jong ki bala shna kyrpang ban pyn sha ki paidbah ha kane ka jingiaid lynti naduh madan Iewrynhep na Laitumkhrah haduh madan Weiking Jaiaiw.
Ia kane ka sngi la sdang da ka jingduwai phirat ha iing seng ha Mawkhar, ia ka jingiaid pynbah ban pyni la riti kala dang na Madan Iewrynhep haduh madan Weiking ha kaba kala don ka sneng ka kraw ha kane ka sngi na ki riew rangbah rangbah jong ka seng ba kumno ban pynneh pynsah ia la ka thymmei.
Ha madan Weiking shuwa ban sdang ia ka jingialang kala don ka duwai phirat ban nguh ban dem ia u nongbuh nongthaw bad ia kane ka jingleh niam la pyndep da ki tynmen ki san ha katei ka jaka bad ha kane ka sngi la pynlong ruh ia ki jingrwai tynrai na ki jaka bapher bapher.
