Shillong, Rymphang 22: U Myntri ba dei peit ia ka tnad General Adminstration u Rakkam A Sangma ia ka jingkylli kaba la buh da lai ngut ki MLA, bah Adrent Miller Basaiawmoit, bah Ronnie V Lyngdoh bad u bah Brightstarwell Marbaniang, la ong ba ka sorkar kam shym la thung ia Resident Commissioner ha Meghalaya House, Kolkata abd Mumbai.
La pyntip hapoh ka iing dorbar ba ha Meghalaya House Kolkatta la thung ia u Joint Resident Commissioner bad Additional Resident Commissioner ha Meghalaya House Mumbai, katba ha Guwahati bad Vellore la thung ia ki ophisar on Special Duty.
Haba jubab ia ki jingkylli bynrap ha kaba ia dei bad ka Meghalaya House Guwahati u myntri u la ong ba ka sorkar kala ia kren bad ka sorkar Assam ban ioh jaka shuh ban tei iaka Meghalaya House namar kiba bun ba leit sha Assam dei kiba leit shah sumar.
U myntri rangbah ka jylla u Conrad K Sagma haba jubab lem ia ki jingkylli bynrap la ong ba u la ia kren bad u myntri rangbah ka jylla Assam ban ioh ia ka jaka ha Guwahati bad ka jingiakren ka long kaba sngewtynnad bad khmih lynti ban ioh iaka jaka ban tei ia ka Meghalaya House kaba ar ha Assam.
Ha ka juh ka por na ka liang u myntri rangbah u la jubab ba ka sorkar ka don ka jingthmu ban shan ia ka State Quest House ha Khanapara ha ka jaka jong ka tnad shangsuwari bad kane ka jaka kan don ruh ia ki kamrai thiah paidbah.
