Pan RTI u bah Dlas nongai dawai kynbat na ka Meghalaya State Medicinal Plants Board

Shillong, Lber 24: U bah Dlas Rani u wei na ki nongai dawai kynbat na ka shnong Mawryngkneng u bla trei ia kane ka kam la palat ia ka laiphew snem u la pan da ka “Hok Wat Jingtip”  na ka Meghalaya State Medicinal Plants Board, ha kaba ia dei bad ka jingpynlut pynsep ha kaba ia dei bad ka kam thung dawai kynbat ha kane ka jylla Meghalaya.

Haka shithi pan jingtip kaba la phah sha u Public Informations Officer jong ka Meghalaya State Medicinal Plants Board (MSMPB) kaba don hapoh jong ka tnad khlaw, kane ka jingpan jingtip ka long naduh u snem 2010 haduh u snem 2020.

Ki jingtip kiba u bah Dlas u la kwah ban ioh ka long, naduh u snem 2010 haduh u snem 2020, ka Meghalaya State Medicinal Plants Board kala ioh pisa katno na ka sorkar pdeng bad na ka sorkar jylla ban thung dawai, ia ka jingkhein ba bei pisa katkum ki snem.

Lada kala don ka jingbei pisa na ka sorkar pdeng bad ka sorkar jylla sha ka Meghalaya State Medicinal Plants Board ban thung dawai kynbat shaei la pyndon kam ia ka pisa bad ai ia ka kyrteng jong ki nongioh bad ka jaka kaba ki pyntrei kam  naduh u snem 2010 haduh 2020.

Lada kala don ka jingbei pisa na ka sorkar pdeng bad sorkar jylla sha ka  Meghalaya State Medicinal Plants Board, katno tylli kila don ki jaka thung dawai kynbat ai ia ki kyrteng jong ki jaka bad kyrteng ki briew.

 

 

 

What Next?

Recent Articles

Leave a Reply

Submit Comment

*