Shillong, Jymmang 24: Ka Meghalaya Board of School Education (MBOSE) mynta ka sngi kala pynmih ia ka result jong ki samla pule kiba la thoh ia ka eksam Higher Secondary School Leaving Certificate (HSSLC) 2024, kiba don 27374 ngut, kyntup ia kiba ialeh regular bad kiba thoh private bad ka jingpass ka long 79.76%.
Na kine ki 27374 ngut kiba la thoh ia ka eksamin HSSLC, kiba la pass ia ka eksam pat ki long 21833 ngut., na kine ki shynrang kiba kiba la pass ki long ki long, kiba ia leh ia ka regular ki long 7253 ngut bad kiba pass kiba ialeh private ki long 693 ngut baroh ki long 7928 ngut.
Ki kynthei kiba thoh ia kane ka eksam HSSLC, kiba thoh regular ki long 14333 ngut, kiba pass ki long 12763 ngut, kiba thoh kum ki private ki don 2719 ngut, kiba pass ki long 1214 ngut baroh kiba pass ki long 13,977 ngut ki kynthie kiba la pass ia kane ka eksam HSSLC.
Na ki 21833 ngut kiba pass iakane ka eksam, kiba wan ha ka kyrdan ba nyngkong ki don 2000 ngut, kiba pass ha ka kyrdan ba ar ki don 6759 ngut, kiba pass ha ka kyrdan ba lai ki don 11709 ngut, kiba pass tang ia ki subject ba ki ialeh ki long 282 ngut, bad kiba pass tang ia ka subjek kaba ki ialeh ban kham pynbha ki don, 1083 ngut.
Na ki District kiba pass bha eh ha kane ka eksamin ka dei ka Eastern West Khasi Hills District kaba la kot sha ka 92.32 %, kaba duna eh kiba pass ka dei ka South Garo Hills kiba pass ki long 56.30%. Na ki 251 tylli ki HSSLC skul ki kynnah kiba la pass 100% ki don 46 tylli.
Kiba duna eh kiba pass dei na ka Zekabari Higher Secondary Schoo phah 18 ngut pass 2 ngut 11.11 % katba ka Patharkata Higher Secondary School kala phah saw ngut ki khynnah khlem don ba pass wei ruh kaba mut 0%.
