Shillong, Naiwieng 21: Lah jan shi snem ba u myntri rangbah ka jylla u Conrad K Sangma ba u plie ia ka skul Sib sing Memorial Highers Secondary School Nongstoin, kata myn ha ka 17 tarik u kyllalynkot 2023, hynrei kat haduh Mynta, naduh ba plie ia katei ka skul, ym shym pat lah ban pyntreikam ia ka kum ka jaka ai jinghikai na bynta ki khynnah skul kiba pule ha katei ka skul.
Ha ka jingjurip ia katei ka skul na ka liang ka Hynniewtrep National Youth Front (HNYF) West Khasi Hill District ka lap ba ka skul ka dang sah khrongreng bad bun ki khynnah skul kim lah ban shnong ha ki kamra klas namar ka jingbym don ki jingtei ki biang kum ka light, ki bent, ka um lem kiwei ki jingdonkam kiba ia dei ia ki khynnah pule.
Hadien ka jinglap ia ka jingdkoh katei ka skul na ka liang la HNYF West Khasi Hill District ha ka jingsynran lang ki ka HNYF Sengkmie ha ka 21 tarik u naiweing ki la ioh ban ia kunduh ia u myntri jong ka sorkar jylla u ba dei peit ia ka tnat ka pule puthi u Rakkam Sangma halor ka jingbym pat lah ban treikam katei ka skul.
Haba kren sha ki lad pathai khubor na ka Liang u Joint Secretary Jong ka HNYF West Khasi Hill District u bah Phaskal Nongrum u la ong ka jingbym pat lah ka Sorkar ban Pynbiang ia ki jingdonkam jong ka skul naduh ba la plie, ka la pynlynngoh ia ka seng bad ka la wanrah ruh ki jingeh ia ki nonghikai bad ia ka skul baroh kawei.
Shuh shuh une u nongialam ka seng HNYF West Khasi Hills District u la iathuh ba na ka liang u myntri ba dei peit ka pule puthi u la kular ban shimkhia bad ban iai buddien ia katei ka kam ba kan long ka jingmyntoi na ka bynta ka dong ka thaiñ bad jong u paitbah ba bun ba lang ka thaiñ baroh kawei.
