Shillong, Nohprah 01: Ka BJP Meghalaya mynta ka sngi ka la pynpawkam pat shim la shim ia kano kano ka rai la kan pyniakhun ia u bah A L Hek kum u MP napoh ka Shillong Seat.
Na ka liang u bah M Kharkrang u badei u nong ai ktien jong ka seng BJP u la pyn paw bana ka liang ka party kam pat shym la don kano kano ka jingiakren halor ka election MP u la ong ruh ba kam pat shym la don kano kano ruh ka jingbthah na ki bor bahalor jong ka BJP.
U Bah Kharkrang u la ong ba ka BJP Meghalaya kam pat shym la don kano kano ka jingiakren ha ka ban pynia khun ia u bah Hek ha kane ka MP nap oh ka Shillong seat u la ong ruh bala da u bah AL Hek u kwah ban iakhun ia kane ka election MP u long u ba biang tam na ka bynta u paidbah ha ka ba u la bat kum u MLA ka Pynthorumkhrah la hynriew sien kynthieh.
U bah Kharkrang u la ong ba ka party BJP ka dang plie ka jingkhang ia kino kino ki bakwah ban iakhun ia kane ka Election MP la ka long na ka bynta ka Shillong bad Tura seat.
U la ong ruh ba ka BJP na central kam pat shim la pan ia ki kyrteng ki ban ia khun ia kane ka election. U la bynrap ruh ba ka jingshim rai ha ka ba iadei bad ka jingai tiket na ka bynta ka election MP kan shong ha ki nongialam ki bana Delhi.
