Shillong, Nohprah 10: Da ka jingpyntrei kam jong ka sorkar ia ka Meghalaya Health Insurance Scheme (MHIS) kala ia rap kai bun bun hajar ngut ki paidbah nongshong shnong jong ka jylla Meghalaya ha kaba ia dei bad ki jingsumar ha kaba ki pang ki shitom la ka long ha ki hospital sorkar lane jong ki riew shimet ruh kum juh.
Katkum ka jingpynkhreh n aka bynta ka MHIS III, ki long iing kiba dei ban ioh kin long haduh 762316, ha kaba sah mynta ka long b aka sorkar ka hap ban shim ia ka rai lano kan sdang ban pyntrei kam biang ia kane ka MHIS kaba mynta kala poi sha ka MHIS III.
Ha ka juh ka por ha ka jingpyntrei kam ia ka MHIS na kine ki snem kiba la leit noh, ki don bun ki jingeh ha kaba pynrung kyrteng ia ki briew, ki jingeh kaba ki nongtrei ki ia kynduh ki long ha ka liang jong ki kor ki bor ki don ka jingthut hangne hangtai bad kum juh na ka jingmushlia jong ki rangbah shong ruh kum juh bad bun kiwei kiwei ki jingeh kiba ka sorkar ka kwah ban weng ia ki.
Ha ka juh ka pork i bor ban pyntrei kam ia kane ka skhim MHIS ruh ki ia kynduh ia ki jingeh ha kaba ia dei bad ka jingkam jong ki nongpang ia ki jinglut jingsep bad ha ka juh ka por ka jingbym lah jong ki hospital ban ai ka jingkhien kaba biang bad kumjuh ia ki jingpang kiba dei ban ioh ia kane ka jingiarap lyngba kane ka skhim bad kum juh ki nongpang kim juh ai ia ki card ha ka por ba ki leit ban shah sumar.
Ki thymmei khubor ki iathuh ba ka sorkar mynta ka dang pynkhreh kumno ban pyniaid ia kane ka MHIS III bad kan long kaba iaid beit khlem da don kano kano ka jingthut ka ban long kaba ktah jur eh ha kaba pyniaid ia ka bad ka jong ka jingthmu ban pynheh noh ia kane ka jingmang pisa na ka T.1.6 lak sha ka T.2.0 lak tyngka.
