Pdiang ka iing dorbar ia ka Meghalaya Right to Public Services Bill, 2020  ha dien ka jingiatai

Shillong, Naiwieng 12: Mynta ka sngi ka iing dorbar thawain ka jylla kala pdiang ia ki san tylli ki Bill, ka Meghalaya Right to Public Services Bills, 2020, ka Meghalaya Settlement of Arrears (Under the State Taxation Act) Bill, 2020 bad ia ka St, Xaviers’s University Shillong, Bill, 2020 bad ka Meghalaya Minerals Cess (Amendment) Bill, 2020.

Ia ka Meghalaya Right to Public Services Bills, 2020 la wanrah da u myntri rangbah ka jylla u Conrad K Sangma haba ia dei bad kane ka Bill na ka liang jong u Bah Meralborn Syiem, u bah George B Lyngdoh bad u bah Process T Sawkmie kila wanrah ia ka jingpynkylla ha kane ka Bill, hynrei ha dien ka jingpynshai na u myntri rangbah kila wengnoh bad ka iing dorbar kala pdiang ia kane ka Bill.

U Myntri Rangbah ka jylla u Conrad K Sangma ba dei peit ia ki kam marpoh khydew ha ka jylla u la wanrah ia ka Meghalaya Minerals Cess (Amendment) Bill, 2020 ha kaba u bah PT Sawkmie bad ka Dr Mazel Ampareen Lyngdoh kila wanrah ia ka jingpynkylla, hynrei ha dien ba la ioh ia ka jingpynshai na u myntri rangbah ka jylla kila wentg bad ia kane ka Bill.

U Myntri ba dei peit ia tnad lum khajna u Jamnes K Sangma  u la wanrah ia ka Meghalaya Settlement of Arrears (under the State Taxation Acts) Bill, 2020, ia kane la bill u bah PT Sawkmie u la wan rah ia ka jingpynkylla, ha dien ba la ioh ia ka jingpynshai na u myntri u la weng noh bad ka iing dorbar  kala pdiang ia kane ka Bill.

U Myntri ba dei peit ia ka tnad pule puthi jong ka jylla u bah Lahkmen Rymbui uba la wanrah ia ka   St, Xaviers’s University Shillong, Bill, 2020, haba ia dei bad kane ka Bill kam shym la don kano kano ka jingiakren bad ka iing dorbar kala pdiang ia kane ka bill ban don kane ka skul bah ha kane ka jylla Meghalaya.

Ka iing dorbar mynta ka sngi la pdiang ruh ia ka Meghalaya Farmers’ (Empowerment) Commission, Bill 2020 ia kaba la wanrah da u myntri rangbah ka jylla u Conrad K Sangma ia kane ka Amendment Bill ruh la pdiang da ka iing dorbar khlem da don kano kano ka jingiatai.

Ha kane ka sngi u Shongknor ka iing dorbar thawain ka jylla u bah Metbah Lyngdoh u la pynbna ruh ba la pynlong ia ka ilekshon sha ki lai tylli ki committee jong ka iing dorbar bad u la pynbna ba na ka bynta ka Public Account Committee u bah Charles Pyngrope un long u Chairman, ha kaba ia dei bad ka Committee Estimate la jied ia u Thomas Sangma ban long u Chairman bad ia ka committee Public Undertaking u Brening A Sangma un long u Chairman.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet