Shillong, Rymphang 17: U Myntri Rangbah ka jylla u Conrad K Sangma u la pyntip ba ka ha kane ka jingialang jong ka Kabinet kaba la long mynta ka sngi la pdiang ia ka jingthung kam ia ki 45 ngut ki Junior Engineer hapoh ka tnad jong ka PHE, ia kine baroh la thung hapoh ka 3F.
Haba kren ha ki lat pathai khubor, u myntri rangbah ka jylla u Cornad u la ong ba ka jingthung ia kine ka long namar ka jingdon kam kyrkieh ha ka kam ban pynsted ia ka jingpyntrei kam ia ka skhim JJM ha ka jylla ha kaba hap ban pyndep hapoh kine ki lai snem ban pynpoi um sha ki nongkyndong.
U myntri Rangbah u la ong ba lada phah ia kane sha ka MPSC kan shim por shisnem ban pyndep ia kane ka jingkhot thung kam, namar ka jingkyrkieh ka kam hapoh kane ka tnad sorkar la hap ban thung kam ia kine ki 45 ngut hapoh ka kyndon jong ka 3F, ia kaba ka Kabinet kala pdiang.
