Shillong, Kyllalyngkot 10: Mynta ka sngi ka kabinet kala pdiang ia ka Meghalaya Ceiling on Government Guarantees Bills 2025, ban pynbeit ia ki Public Sector Undertaking (PSUs) ha kaba ia dei bad ka jingbah khlieh ka sorkar ia ka jingshimram ka jong ki naki kynhun bei pisa.
Ka kabinet kala pdiang ruh ia ka jingpynkylla ia ki rule 98 jongka Meghalaya Factories Rules, 1980 da kaba pynrung ia ka Rules 98A. bad kane ka bujli ia ka sub rule kaba (2) na ka thymmei jong ka ain, ha kaba ka laisen kaba la ai kan trei kam tang shisnem bad hap ban pynthymmai man ka snem lanekamd ei ban palat iaka 10 snem.
U myntri rangbah ka jylla la ong ba la leh ia kane ban pynsuk ia kiba kwah ban seng kam bad la shah mynta ia ki kynthgei ruh ba ki trei ha ka por miet, kane ka long tang lada ki don lut ki lat jingiada baroh da kaba buh ia ki CCTVs, GPS bad Security Apps bad kiwei kiwei.
Ha kane ka jingialang jong ka kabinet la shim ia ka ria ban shah ia ki nongtrei sorkar ba kin shim shuti haduh 6 bnai haba ki leit ban shah sumar na ka daw jong ka jingpang kum ka jingkylliang ia ki dkhot met haba ki shitom.
