Nongpoh, Jylliew 17: Mynta ka sngi ka seng United Democratic Party UDP Ri bhoi District kala pynithuh paidbah noh ia u bah Baiahunlang Makdoh kum u dkhot ba pura jong ka party UDP u ba la pyniasoh ialade sha ka party haka 7 tarik jymmang 2022.
lah ban kdew ba u bah Baiahunlang Makdoh u dei u ophisar sorkar jong ka tnat PWD u ba la shongthait noh naka kam haka 30 Tarik Iaiong 2022 bad hadien ka jing shongthait ka jong u naka kam u la rai ban rung noh shaka kam sain hima sima haka jylla dakaba u la jied ban pyniasoh noh ialade sha ka party UDP.
Ha kane ka juh ka sngi ka party UDP kala pdiang sngewbha ruh iaki 18 ngut kiba wan pyniasoh ialade bad party kaba kitei ki 18 ngut ki kynthup 15 ngut ki nongialam barim jong ka seng Confederation of Ri Bhoi People’s lane CORP haka jingialam u bah Doris Sulein bad u bah F.Jalong ryngkat bad ki 13 ngut ki dkhot barim ka CORP.
Bad lai ngut pat ki nongialam jong ka Umroi Block Congress Committee kiba kynthup ia u Bah Pynskhemborlang Sunn u ba dei u Adhoc President ka UBCC, u Bah Ibanjop Rynghang Asst. Sec Youth Congress Umroi bad u bah lumlang Lamarai Vice president youth Congress .
Lapdiang sngewbha ia kitei ki 18 ngut shaka seng da u Dr. Jemino Mawthoh General Secretary ka UDP haka jingiadon lang u Bah Paul Lyngdoh Working president ,u bah Alantry F Dkhar Vice President ka UDP, u Bah Donbok Khymdeit President UDP Ri Bhoi District U MDC Nongpoh Constituency u Bah Balajied Rani lem bad kiwei kiwei de ki nongialam bad ki dkhot jong ka party kiba naki unit bapher bapher.
