Shillong, Jylliew 26: Mynta ka sngi ka pyrthei shityllup kala pynlong ia ka jingiarakhe ban ia khun pyrshah ia ki kam khaii bad dih drok, ha kane ka jylla Meghalaya ruh la pynlong ia ka jingrakhe ha kaba u myntri rangbah ka jylla u Conrad K Sangma mynta ka sngi u la plie paidbah ia ka Drug Reduction, Elimination and Action Mission (DREAM) ka thong ka long ban ia khun pyrshah ia kane ka jingsniew.
Ha Jowai ki pulit jong ka West Jaintia Hills District kila tah ia ka jingthoh ha ki kali jong ki pdiabah, tang ha kiba shah sngewbha ia ka jingthoh kaba ong “Ong Em Ia u Drok” kane ka long ban pynsngewthuh sha ki paidbah ban nym ngop ha kine ki jingdih ba sniew.
Ha Eastern West Khasi Hills District ruh la pynlong ia kane ka jingpynshai paidbah ha kaba la don lang ki khynnah skul, ki briew jong ki tnd sorkar bapher bapher bad ki pulit ruh kiba la kren ban pynsngewthuh ia kane ka jingma na kane ka jingdih drok ka ban ktah ia ka lawei.
Ha poh phatok ha kane ka nongbah Shillong ruh la pynlong ia ka jingpynsngewthuh ia ki briew kiba shah set ba kane ka dei ka kam kiba sniew, ia ka jingpynsngewthuh la pynlong da ka Manbha Foundation dad ki bor jong ka tnad pulit ha District Jail ha Jail Road.
