New Delhi, Risaw 30: U Myntri Rangbah Duh jong ka Ri India U Narendra Modi ha ka jingleit jong u sha Europe, u la leit ban ia kynduh ia u khliehduh jong ka balang Katholik u kpa bakhuid u Pope Francis.
Ha kane ka jingiakynduh u Myntri Rangbah Duh jong ka Ri India u Modi u la khot sngewbha ia u kpa bakhuid u Pope Francis ba un wan sha Ri India kloi lan bad na ka liang jong u kpa bakhuid u la pdiang sngewbha ia kane ka jingkhot.
Ha kane ka jingleit u Myntri Rangbah duh ka Ri India u la ia kynduh ruh ia u Secretary of State u Kardinal Pietro Parolin. Kane ka jingiakynduh hapdeng u myntri rangbah duh ka Ri India bad u kpa bakhuid dei u Atal Bihari Vajpayee bam kwai ha dwar u blei u la ia kynduh ia u Pope John Paul II bam kwai ha dwar u blei ha u bnai Jylliew ha u snem 2000.
Mynta ka sngi u Myntri Rangbah duh ka Ri India u Modi u la leit ban ia kynduh ia u kpa bakhuid u Pope Francis bad ha kane ka jingiakynduh la pynpaw ba ka jingiadei ha pdeng ka India bad ka Vatican ka long naduh ki snem 1948 bad kumba ka long ka Ri India ka dei ka Ri kaba wan ba ar ha ka jingdon bun ki riew ngiet jong ka balang Katholik.
Ha kane ka jingiakynduh kine ki nongialam kila ia kren ba kumno ban ia khun kyrshah ia kane ka khlam COVID-19 ha kylleng sawdong ka pyrthei bad kila ia kren ruh ha kaba ia dei bad ka mariang bad ka jingai Tika kaba la kot sha ka shibillion ngut, haba ia dei bad kane kpa bakhuid u la ai ka jingiarap ba ka India kala lah ban iarap ia kiwei ki ri jong ka pyrthei.
