Shillong, Jylliew 11: Mynta ka sngi u lamphang ka iing dorbar thawain ka jylla u Thomas A Sangma u la pdiang ia k shithi resign jong u Saleng A Sangma kum u MLA jong ka 56-Gambegre (ST) Konstitwensi, ha West Garo Hills District.
U MLA jong ka 56-Gambegre u la aiti ia ka shithi resign ha u Commissioner bad Secretary ka Meghalaya Legislative Assembly, ha ka 10/6/2024 bad ia kane ka jinghiar shuki la pdiang mynta ka sngi da u lamphang ka iing dorbar.
U Saleng A Sangma u ba la jop saw sien lynter na katei ka konstitwensi u la hiar shuki noh kum u MLA ha dien ba u la shah jied kum u MP sha Lok Sabha na ka 2-Tura (ST) Parliamentary Konstitwensi, u MP bala shah jied u la hiar shuki noh shuwa ba leit ban bam smai kum u MP ha ka iing dorbar jong ka Lok Sabha kaba 18.
