Shillong, Nailur 09: U shnongknor jong ka iing dorbar thawain ka jylla u AT Mondal, mynta ka sngi u la pdiang ia ka mat ia kren hapoh ka iing dorbar bay m don jingshaniah shuh ha u, naka liang jong u shongknor u la buh ban shim ia kane ka mat ia kren ha ka sngi kut jong ka jingiashong dorbar yn da la pyndep lut baroh ki kam kiba ia dei bad jong ka sorkar.
U shnongknor jong ka iing dorbar u la pyntip hapoh ka iing dorbar ba ka ophis kala ioh pdiang ia ka jingthoh na u James K Sangma haka 30 tarik jong u Nailar, bad kane ka shithi ka ong ba kila duh ia ka jingshaniah ha u shongknor ia ka rukom trei kam jong u, hapoh jong ka kyndon ba 179 jong ka Riti synsahr jong ka Ri India.
Katkum ka rule ba 135 jong ka jingpyniaid dorbar hapoh jong ka iing dorbar thawain jong ka jylla Meghalaya, kala batai shai ban wanrah ia ka jingbymshaniah shuh ia u shnongknor don kam ban da kyrshan da ki dkhot jong ka iing dorbar bad yn dei ban duna ia ka shiphew ngut ki dkhot jong ka iing dorbar “One-Fifth” .
Na ka liang jong u shnongknor u la btah ia ki dkhot jong ka iing dorbar ba kito kiba kyrshan ia kane ka jingthoh bay m don jingshaniah shuh ia u shnongknor jong ka iing dorbar kin ieng haki jaka ba ki shong, ban ioh jingkhien la ki don em ia ka jingbun paid katkum ka tei ka rule.
Na ka liang jong ki dkhot ka liang pyrshah kiba la kyrshan ia kane ka jingthoh bay m don jingshaniah shuh ha u shongknor ba mynta jong ka iing dorbar na ka liang jong ki UDP, NPP bad HSPDP kila ia ieng bad ki la ioh ia ka jingbun ki MLA kiba don hapoh ka iing dorbarkiba kyrshan ia kane ka jingthoh kaba la ai da u James K Sangma.
Haba ki dkhot jong ka iing dorbar kiba pynpaw kim don shuh ka jingshah niah ha ka jingtrei kam jong u shnong knor jong ka iing dorbar , na ka liang jong u shnongknor u la pdiang ia kane ka jingthoh bad la buh ban ia kren ia kane ka mat ha ka sngi kut jong ka jingiashong dorbar , yn la pyndep lut ia baroh ki kamkiba ia dei bad ka sorkar.
