Shillong, Rymphang 27: U Lat jong ka jylla Assam bad Meghalaya u Banwarilal Purohit u la pynpaw ia ka
jingsngewsih halor ka jingkhlad noh jong ki 17 ngut ki briew ha ka jingkylla kali ha West Khasi Hills District ha Meghalaya ha ka sngi u blei mynstep.
Bun na kine kiba la khlad ki dei na ka shnong Nginiong, Nongbudum bad Mawbyrkong kiba hap hapoh jong ka West Khasi Hills District, na ka liang jong u Lat ka jylla u phah ia kane ka khubor sngewlem sha kiba ha iing ha sem baroh bad u duwai ba kito kiba dang don mynta ha pdeng ka jingsumar kin ioh noh ia ka jingkoit jingkhiah.
