Shillong, Lber 09: Ka Dorbar Grand Council of Chiefs of Meghalaya ( kaba kynthup ia ka Dorbar ki Khlieh Nongsynshar Ka Ri Hynniewtrep, Federation of Khasi States, Sirdarship,Ka Dorbar Ki Dolloi, & Council of Nokmas) ka dap da jingsngewsih, ban ioh jingtip ia ka jingkhlad kyndit jong i Ma Batskhem Lyngdoh, Dolloi Elaka Rymbai, bad u Joint Secretary, Grand Council of Chiefs of Meghalaya, Jaintia Hills District, ha ka 7 tarik March 2014.
Ka jingkhlad noh ka jong i ka long ka jingduh nong kaba khraw ia ki khun ki hajar, ki khun ki pyrsa, ki ksiew, ym tang kum u kpa hynrei kum u nongialam jong kane ka thain baroh kawei.
I la bat ia ka kam kum u Dolloi la jan 20 snem (1993-2014) bad i la shakri hok ia ki khun ki hajar bad ia la ka Ri, i la im sngi tang kumno ban pynneh pynsah bad ban nang pynkhraw ia ka it ka Hima bad Elaka, khlem tynkai shuh ia la ka bor bad ka por.
Kane ka long shisha ka jingduh kaba khraw, ngi la duh ia u nongaibuit u nongai mynsiem uba la noh synniang shibun da ka jingkloi ban ai jingmut ha kaba iadei bad kane ka lynti jong ka jingialeh jong ngi ban iada ia ki hok jong ka jaidbynriew Hynniewtrep kaba kyrpang.
Ha kane ka por, ka Dorbar Grand Council of Chiefs of Meghalaya, kaba kynthup ia ka (Dorbar Ki Khlieh Nongsynshar Ka Ri Hynniewtrep, Ka Federation of Khasi States, Ki Sirdarship, Ka Dorbar ki Dolloi, bad Ka Council of Nokmas) ngi pynpaw ia ka jingsngewsih bad ngi phah ia ka jingsngewlem sha phi i Kmie, i kurim, ki khun, ki pyrsa, ki ksiew, ki kur ki kha, bad ia ki Khun ki Hajar ka Elaka Rymbai.
Leit suk Dolloi, ngin iai im sngi ha ki nongrim kiba phi la maitlynti ia ngi ki longdien.(SP News)
