Shillong, Naiwieng 20: U Myntri rangbah ka jylla Meghalaya ba dei ruh u National President ka party NPP, u la ong ba ka party Congress ka don 17 ngut ki MLA bad na kitei 12 ngut ki MLA ki mih noh bad ka mih ka TMC bad kiwei ki sah bad ka congress.
Na kane ka jingjia ka liang pyrshah kala shah pharia ka jingsha niah jong ki paidbah ba kam don shuh kata ka jingiatylli ha ka liang pyrshah bad kane ka pynlong ia ki briew ba kin pyrkhat hato ki lah ne em ban trei ia ka kam kum ki liang pyrshah namar kila pra hadpeng jong ki.
Ha dien ba ka TMC bad ka congress kila ia pra, ka TMC kan dang pra biang namar ki don ki MLA jong ka TMC kin rung sha ka NPP lane kin leit sha kiwei ki seng sain pyrthei bad kane kan sa jia shen phin sa iohi.
Kata ka jingpra hapdeng jong ki ngam lah shuh ban tip la ki ong ba ki dang kham khlian ne ki dang tlot shuh shuh ai ki paidbah kin bishar, lada peit ha ka sain pyrthei ha North East lane ha Meghalaya ka TMC ka dei ka party kaba dang shu rung shen.
Hooid mynshuwa kala don hynrei kam shym la lah ban neh bad kim lah ban shan, ha kane ka elekshon kaba mynta kane ka party kam dei ka party kaba lah ban pdiang kumba ki pyrkhat bad kan shim por ban pynrung ha ki briew.
Ban ong ba ka TMC kan thaw ia ka sorkar kan long kaba bakla, ki hap ban peit haei ki ieng, kumba ka long mynta kila mut dur ha sien kane ka kren shai bha bad ka jingren jong ki kam don nongrim haei haei ruh.
Kum National President jong ka party bad kum u myntri rangbah ka jylla umjuh shim stieng ia kano kano kaba ki liang pyrshah ki kren haba ki ia khun ia ka elelction ki hap ban leh bha ban poi sha ka jingjop.
