Shillong,Lber,17: Ka Khasi Students’Union Delhi kum shibynta ban kyntiew iaka pule puthi ki khun samla ka Bri-u-Hynniewtrep ka la rai ban buh iaka career counseling naka bynta ki lain pule bapher bapher naka bynta kito ki para samla khynnah pule kiba kwah ban leit pule ha Delhi bad ki jaka kiba hap ha National Capital Territory kum ka Noida bad Gurgaon.
Ki admission bapher bapher ha ki University, College bad ki skul ki lah sdang ban plie ha une u bnai bad ha u bnai ban wan. Te lyngba kane ka counseling kan iarap shibun ia kito kiba kwah ban wan ban pule sha kine ki jaka ha ki lain bapher bapher.
La kyrpad ia ki kmie ki kpa bad iaki khynnah kiba thrang ban wan pule sha kine ki thain ba ki dei ban wad jingtip naki nongialam ka seng ne ban wad jingtip naka Facebook jongka Khasi Students’ Union Delhi khnang ba ki lah ban iarap katba lah. Lada phi kwah ban ioh jingtip lah ruh ban phone ha kine ki number: 09582520301, 08447005414, 08745923448, 09650493246 bad 08375072856.(SP News)
