New Delhi, Lber 01: Ka Myntri Sorkar Pdeng ba dei khmih ia ka Tnat Kam Pla Tyngka, ka NirmalaSitharaman ka la plie ia ka Electronic Data Interchange (EDI) ha ki Land Customs Stations (LCS) jong ka thain shateilammihngi, lyngba ka bor internet ha New Delhi mynta ka sngi.
Lyngba kine ki LCS kiba don EDI, ka jingpynkit ia ki mar bad ka jingioh jingbit na ka custom mynta kan long kaba kham suk,kumta kane ka kyntiew ia ki kam khaii pateng bad ka ioh ka kot ha ka thain.
Ha ka jingplie ia ka EDI la iadonlang ruh u Sanjay Malhotra, Revenue Secretary, Tnat Kam Pla Tyngka jong ka sorkarpdeng; u Sanjay Kumar Agarwal, Chairman, Central Board of Indirect Taxes and Customs (CBIC); u Alok Shukla, Member (Admin &Vig), CBIC; u Vivek Ranjan, dkhot Tax Policy & Legal, CBIC.
U Surjit Bhujabal, dkhot Customs, CBIC; kaAruna Narayan Gupta, Member IT & Tax Payer Services & Technology, CBIC; bad ki heh ophisar jong ka CBIC bad Tnat Revenue, Tnat Kam Pla Tyngka jong ka sorkarpdeng.
Hapoh ka thong jong u Myntri Rangbah duh, Narendra Modi ban wanrah ia ki jingdon jingem ba iadei bad ki kam digital kiba katkum ka juk mynta bad ka jingpynthikna ba ki jingmyntoi jong ka jingkylla ki kam digital ka poi sha baroh.
Ka Myntri Kam Pla Tyngka, ha ka jingai jingkren jong ka ha nongbah Guwahati ha ka 21 tarik Naitung, 2023, ka la iaroh ia ka Central Board of Indirect Taxes and Customs (CBIC) kaba la pynkylla ia ki LCS bym don EDI.
Kiba don ha ki jaka khappud jong ka phangshatei bad thain shateilammihngi jong ka ri, sha ki LCS ba don EDI. Ka la kyntu ia ka tnat ban kynthup ia ka rukom treikam LCS baroh kawei ha ka thain shateilammihngihapoh ka rukom treikam EDI.
Ha ka jingai jingkren jong ka ha ka jingplie ia ka EDI ha ki Land Customs Station ha ka thain shateilammihngi, ka Sitharaman ka la kyntu ia ka CBIC bad Customs ban weng ia ki jingeh ba iadei bad ki jingshalan bad ka la ong ba ka jingpynbiang EDI ha ki LCS kalong kaba donkam namar kan iarap ha ka jingpynbiang jingtip mardor shaphang ka jingkit ia ki mar.
Ka Myntri Kam Pla Tyngka jong ka sorkarpdeng ka la kyntu ruh ia ka Tnat Customs ban long kaba peitngor haba pyntreikam ha kine ki jaka kiba don ha ki jaka khappud, khamtam ha ki jaka ba kham bun briew bad kiba kham don jingma.
Ha ka jingai jingkren jong u ha ka jingialang, u Malhotra u la ong, “Ka thong jong u Myntri Rangbah duh Narendra Modi ban pynlong ia ka ri India kaba la kiew shaphrang ha shuwa u snem 2047 ka kynthup ka jingwanrah ia ki jingdon jingem ha ki kam digital kiba katkum ka juk mynta.
Ka jingpyndonkam ia ka teknoloji ban pynthikna ba ki jingmyntoi jong ka jingkylla ha ki kam digital ka poi sha baroh ki briew. Ka jingpynbiang Electronic Data Interchange (EDI) ha ki custom station kalong kawei ka sienjam ha kane ka bynta ban pynsuk ia ki kam khajna bad ki kam custom ha kaba yn donkam ban leitmihkhmat hi dalade.
“Kalong kaba ioh mynsiem ban tip ba lyngba kane ka prokram, ka CBIC ka la wanrah ka jingphaikhmat kaba kongsan ha kaba iadei bad ka roi ka par jong ka thain shateilammihngi da kaba pynbiang EDI ha ki land customs station ha kine ki bynta ba kyndong tam jong ka thain shateilammihngi,” la bynrap u Malhotra.
Ha ka jingkren pdiang burom ha kane ka jingialang, u Agarwal u la ong ba ka thain shatei lam mihngi ka long kaba kongsan bad ka don shibun ki lad ki lynti na ka bynta ki kam khaii pateng namar ki Land Custom Station (LCS) ki plie lad ia ka khaii pateng bad ka leit ka wan sha ki ri ba marjan.
U Agarwal u la ong shuh shuh ba ki don 44 tylli ki LCS ha ka thain shatei lam mihngi ba kynthup 7 tylli ki Jylla – ka Assam, Meghalaya, Tripura, Mizoram, Manipur, Arunachal Pradesh bad Sikkim. Ka jingwanrahia ki jingdon jingem bad ka jingpyniaid automatic ia ki kam custom ha ki LCS ki la long ka bynta ba kongsan jong ka tnat Customs jong ka ri.
Ha ka jingkren ai khublei, u SurjitBhujabal, Member (Customs), u la ong, “Ka jingplie ia ka rukom treikam EDI mynta ka pyni ia ka sienjam ba kongsan sha ka jingkyntiew ia ka jingseisoh bad ka jingkyntiew ia ka jingsuk ban trei ha ki kam khaii ha ki jaka kyndong jong ka thain shateilammihngi. Kane ka jingjop ka kdew ia ka jingkut jingmut jong ngi ban pyndonkam ia ka teknoloji na ka bynta ka jingmyntoi ki kam khaii pateng.”
Da kaba phaikhmat sha ka jingpyndonkam ia ka teknoloji na ka bynta ka roi ka par jong ka thain shateilammihngi, ka CBIC ka la pyndep ia ka jingpynbiang EDI ha kine ki LCS – Ghasuapara, Bholaganj, Shellabazar, Borsora, Khowaighat, Baghmara, Golakganj, Karimganj bad Dawki ba don ha ka thain khappud India bad Bangladesh bad Zokhawthar ba don ha thain khappud India bad Myanmar.
Kine ki LCS ki don la ki jong ki jingeh, ki don ha ki jaka ba kyndong bha bym ioh Mobile Network lane Optical Fibre. Ka CBIC ka la jop ia kine ki jingeh da kaba buh ia ka VSAT ha bun ki jaka. Ka jingiaid lynti ka dei ka dak ym tang ha ka jingkyntiew ia ki kam teknikal jong ka jingtreikam ka Customs hynrei ruh ka jingkut jingmut ka CBIC na ka bynta ka jingkiew shaphrang jong ka ri ha ka KartavyaKaal.
