New Delhi, Risaw 13: Ka President jong ka ri India, ka DroupadiMurmu, ka la plié ia ka jaka pyntreikam ia ka Supercomputer Param-Kamrupa bad ka laboratory na ka bynta ka jingsaindur bad ka jingkyntiew ia ki tiar microwave ba khlain ha IIT Guwahati mynta ka sngi.
Ka la plié ruh ia ka Medical College bad Hospital ha Dhubri bad buh maw nongrim na ka bynta ar tylli ki Zonal Institute jong ka National Institute of Virology (NIV) ha– (i) Dibrugarh, Assam bad (ii) Jabalpur, Madhya Pradesh ha kane ka sngi.
Ha ka jingai jingkren jong ka, ka President ka la ong ba ha ka por kaba duna naduh ba la sdang ia ka IIT Guwahati, kane ka jaka ka la wanrah ia ka burom sha ka ri lyngba ki kam jong ka na ka bynta ka ri bad ruh na ka bynta ka pyrthei baroh kawei.
Ka la ong ba dang ha kine ki sngi ba la dep, ka IIT Guwahati ka la shna ia ki jaka iengpahara 3D kiba shu print khnang ban wanrah ia ka lad kaba jemdor na ka bynta ki kam iada ri jong ka kynhun shipai jong ka India.
Ka President ka la ong ba ka IIT Guwahati ka dei ka jaka jong ka jingstad kaba lah ban ai ia ki jingpynbeit ka teknoloji ia ki jingeh bapher bapher jong ka thain shateilammihngi. Namar ka dei tang kane ka IIT ha ka thain shatei lam mih ngi, ka IIT Guwahati ka dei ban bah ia ka jingbah khlieh ban ialam lynti ia kiwei kiwei ki jaka pule ha ka thain.
Ki Sorkar jylla bad ki kynhun iada ri ban pynkhlain ia ki jaka khappud jong ngi, bad ai ia ki jingpynbeit teknoloji ban iada na ka jinglynshop ka mariang ha kane ka thain.
Ka la kyntu ia kane ka institute ba kan pynshlur ia ka jingsaindur thymmai, ka jingshna hi ia ki teknoloji kiba katkum ka juk mynta, plié ia ki lad ban pyntbit ia ki briew bad ban ialam lynti ban pynkylla ia ka ri sha ka jinglong Atma-nirbhar.
Ka President ka la kyntu ia ki jaka ai jingpule science bad teknoloji jong ka ri ba kin pynshlur ia ka jingwadbniah ban pynkylla ia ka India kum ka nongialam ha ki jingsaindur thymmai ha ki kam teknoloji, kiban wanrah ia ka jingbha ha ka imlang sahlang.
Ka la ong ba ka The National Education Policy 2020 ka pdiang ba ka jingpynbeit ia ki jingeh ha ka imlang sahlang bad ka ioh ka kot mynta ka donkam ia ka jingwad bniah na ki kam bapher bapher ha India bad ym lah ban wanrah ia kane nabar ri.
Ka la ong ba ka jingwadbniah bad ka jingsaindur thymmai ha ki jaka pule, khamtam ha ki jaka pule kiba la kham halor ka long kaba donkam bha. Ka la ong ba ka jingwadbniah bad ka jingnang jingstad ka long tynrai ha India bad ba ka long kaba donkam ban pynkhlain shuh shuh ia kane khnang ba ka India kan long kaba ialam lynti ha ki kam wadbniah bad jingsaindur thymmai ha kane ka juk ba mynta.
Ka President ka la ong ba mynta, ka thain shateilammihngi jong ka India ka dang shim ia ki sienjam ba heh sha ka roi ka par bad ka la pyrshangtyngeh ban ai ia ki lad jingsumar kiba bha bad ki lad ioh jingnang jingstad ia ki briew jong ka thain bad ka ri.
Ka la ong ba ka Sorkar Assam ka dang ai jingkyrshan ia ka IIT Guwahati ba kan sdang ia ka hospital kaba thymmai kaba la biang ban ai jingsumar kaba kham bha na ka bynta ki jingpang bapher bapher. Ka la ong ba kane ka long ka nuksaia kiwei kiwei ki jaka pule jong ka ri ba kin shim ia kum kine ki sienjam.
Ka President ka la ong ba ki projek bapher bapher jong ka Sorkar Pdeng bad ki Sorkar Jylla bad ka jingiaid shaphrang jong ka ri kin buh ia ka nongrim ia ka India ba kan long ka ri kaba la kiew bha ha ki kam teknoloji bad ka ri kaba kdup lang ia baroh ki briew jong ka.
Ka la ong ba baroh ki tip ba ka sngi ka mih shuwa ha ka thain shateilammihngi bad ka pashatia ka jingshai sha kylleng ka ri. Ka la ong ba ka thain shateilammihngi ka dei ban long ka nongialam ha ka jingpashat ia ka jingnang jingstad.
Ka jingpdiang ia ka jingpyrkhat ba don nongrim ha ka science ha ki briew jong ka ri, katkum ka RitiSynshar jong ka ri. Ha kane ka step, ka President ka la pyllait paidbah ruh ia ka relAgartala-KhongsangJanshatabdi Express bad ka relAgartala-Kolkata Express na ka steshonrel Agartala.
