Shillong, Nailur 29: Mynta ka sngi u myntri rangbah ka jylla u Conrad K Sangma ha ka jingiadon lang u myntri ba dei peit ia ka tnad pule puthi jong ka jylla bah Lahkmen Rymbui la plie ia ki 50 tylli ki iing skul ba dei na ki Lower Promary bad Upper Primary kiba la dep ban shna pynbha ha ka bynta kaba nyngkong.
Ia kine ki 50 tylli ki iing skul la plie ha ka jingialang kaba la pynlong ha Yojana Bhavan, ha ka jigniadon lang u mytnri ka tnad pynroi nongkyngdong u bah Hamletson Dohling bad DP Wahlang Chief Secretary Principal Secretary, u Shakeel Ahammed bad Commissioner bad Secretary, ka tnad pule Education,u B D R Tiwari.
Haba kren ha kane ka jingialang, ha kaba la don lang ki khynnah skul, ki ophisar na ka tnad pule puthi, u myntri rangbah ka jylla u la pynpaw ia ka jingsngew kmen ba la lah ban pyniaid ia kane ka skhim ban marmot ia ki iing skul 50 tylli bad u khmih lynti ba kan wanrah ka jingkylli.
La ong ba ki don sa 100 tylli ki iing skul kiba dang shna mynta ia kaba yn sa lah ban plie ha u Naiwieng 2022 bad ha u Kyllalyngkot 2023, bad na ka liang jong ka sorkar kala pynkhreh ha kata ka rukom bay n lah ban pyndep ia ka jingshna 200 tylli ki iing skul ha ka bynta kaba nyngkong.
Da kane ka jingpynbha ia ki iing skul kan wanrah ia ka jingpynkylla haka pule puthi hakane ka jylla bad kane ka long ryngkat kat kum ka National Education Policy 2022, kaba la pynbna da ka sorkar pdeng bad kane kan hap ban iaid lynti ha ka jingpynbha ia ki iing skul.
Katkum ka jingthmu jong ka NIPUN Bharat ka long ban pynthikna ba baroh ki khynnah kidei ban thoh ban pule ha ka kyrdan pule kaba lai, ka thong ka long ban ai ia ka jingkoit jingkhiah ia ki khynnah bad ki khynnah kin don ka jingsngew tynnad ban wan sha skul bad ha kane ka sngi la pule ruh ia ka jingskhim smai ka NIPUN Bharat Mission ha kane ka sngi bala lam khmat da u myntri Rangbah ka jylla.
