Shillong, Risaw 30: U myntri ka sorkar pdeng ba leit peit ia ka tnad liengsuin u Jyotiraditya Scindia mynta ka sngi u la plie ban pynher ia ka liengsuin hapdeng ka nongbah Shillong bad ka Lilabari bad kum juh kiwei ki nongbah ka thain shatei lam mih ngi ka Ri India.
Kane ka liengsuin kan her hapdeng ka nongbah Shillong bad ka Lilabari kan long saw sien ha ka shitaiew, hapdeng ka Aizawal bad Imphal ka long san sien ha ka shitaiew, ka Lilabari Ziro kan long ar sien shitaiew.
U Myntri ka sorkar pdeng u Scindia la ong ba kane ka long ban pynkhlain shuh shuh ia ka leit ka wan da ka liengsuin ha kane kathain shatei lam mih ngi ka Ri India, kane ka jingpynkhlain ia ka leit ka wan na suin ka wanrah ia ka jingkyntiew ha ki kam shangsuwari.
Ka kompeni lieng suin ka Alliance Air kala dang pynkhlain shuh shuh ia ka leit ka wan na suin ha ka jylla Arunachal Pradesh, Assam, Mizoram, Manipur bad Meghalaya. Ha kane ka por bap lie la don lang ruh u myntri ka sorkar pdeng u Gen V.K Singh, na Mizroam la don lang u myntri ba dei peit ia ki kam jngohkai pyrthei u Robert Romawia Royte.
Da ka jingwan rung sa kane ka kampeni leingsuin ban pynher ia ki eroplane jong ka ha kane ka thain shatei lam mih ngi ka Ri India kan dang kyntiew ia kane ka thain sha ka pyrthei ba ioh ia ka jingitynnad kane ka thain, la ka long riti dustur, ka mariang ruhkum juh.
Na Meghalaya ha ka por ba plie ia ka jingpynher ia kane ka liengsuin la don u commissioner secretary ka tnad ka kit ka bah u bah Ethelbert Kharmalki bad kiwei ki ophisar ka sorkar Meghalaya.
