Shillong, Jymmang 26: U myntri ba dei peit ia ka tnad kakoit ka khiah u James K Sangma mynta ka sngi u la plie ia ka jaka thiah ban sumar kyrpang ia ki tynmen ha Civil Hospital Shillong, ha kane ka sngi la plie ruh ia ka jaka pynkhuid ia ki jaboh bad ia ki kor pynmih Oxygen bala ioh lynba ka P M Cares.
Ha ka jingkren u myntri ka tnad ka koit ka khiah ula ong ba ka Civil Hospital Shillong kala ai ka jingshakri ia ki paidbah ha ka rukom kaba da hun shisha bad ka jingplie ia kitei ki lai tylli ki rukom trei kam kan dang iarap shuh shuh ha ka jingai jingsumar ia ki paidbah.
Na ka liang jong u myntri ka tnad ka koit ka khiah la ong ba ia kine jingtrei kam kiba la plie mynta ka sngi ha Civil Hospital Shillong yn sa buh ruh ha kiwei ki Hospital jong ka sorkar jylla kiba don ha ki District.
Ha ka jingkren u Commissioner Secretary u Sampat Kumar u la ai ka jingiaroh ia ka Civil Hospital kaba la trei bha ha ka jingsumar ia kiba shitom COVID-19 positive kane ka paw ka na ki kahiphot kiba la ioh na baroh ki Hospital ha ka jylla.
Ha kane ka sngi u la pashat jingmut ruh ia kaei kaba la ai jingmut da kawei na ki nongtrei hapoh ka tnad ka koit ka khiah ban weng lut noh ia baroh ki tiar jot kiba la pynlym pynlong ha ki jaka sumar jong ka sorkar ha ka sngi ban rakhe ia ka sngi pynneh mariang.
Ha kane ka sngi la pyniaidia ka jingialang da u Dr. A War Director ka tnad ka koit ka khiah, la kren pdiang burom da u Dr. A Dkhar bad kiwei ki heh ka tand ka koit ka khiah kong R M Kurbah Secretary bad kiwei kiwei kynthup ia ki Nurse na Civil Hospital kila ia don lang.
